अपरिचित व्यक्तिको कुटाइबाट वृद्धको मृत्यु

समाज

अपरिचित व्यक्तिको कुटाइबाट वृद्धको मृत्यु अपरिचित व्यक्तिको कुटाइबाट वृद्धको मृत्यु

आजको न्युज आईतबार, पुस ८, २०७५, १९:१६:०१

बैतडी । अपरिचित व्यक्तिको कुटाइबाट गएराति बैतडीमा एक जनाको मृत्यु भएको छ भने एक जना घाइते भएका छन् ।

मृत्यु हुनेमा सिगास गाउँपालिका–९ श्रीभावरका ६० वर्षीय जसु बोहरा रहेका जिल्ला प्रहरी कार्यालय बैतडीका प्रहरी नायब उपरीक्षक नेत्रमणि गिरीले जानकारी दिए ।

गए राति १ बजे अपरिचित व्यक्ति घरमा प्रवेश गरी मृतक जसु र उनकी २१ वर्षीया बुहारी लक्ष्मी बोहरालाई कुटपिट गरेका थिए ।

कुटपिटबाट लक्ष्मी घाइते भएकी छन् । अहिले प्रहरीको टोली घटनास्थलतर्फ खटिएको छ । घटनास्थल बैतडी र बझाङको सीमा नजिक पर्दछ । घटनाको पूर्ण विवरण आउन बाँकी रहेको छ ।

प्रकाशित मिति: आईतबार, पुस ८, २०७५, १९:१६:०१

प्रतिक्रिया दिनुहोस्